الكوسه ماليه البلد واحنا مالناش نصيب فيها

العنوان يدل على الكوسه اللى ماشيه فى البلد (مع العلم بان الكوسه اللى احنا اتعودنا نشتري الكيلو منها بجنيه او اتنيين جنيه )

بقت بتتباع الايام دى فى حكومتنا الموقره ب30 الف و50 الف وربما اكتر )

بصراحه ربنا يكون فى عون الخيار رخيص ومعدش له لزمه



المهم نبتدى على بركه الله ونقول

1- لما نلاقى واحد بقدره قادر بقى بيلعب فى اقوى نادى فى مصر واسمه اتنسب لاعرق نادى فى العالم

ولعب مره واتنيين وتلاته ولم نشاهد منه الا اضاعه الفرص والتحليق جريا فى ارضيه الملعب دون لمس الكره

بمرتب شري عالى جدا ده يبقى ايه

يبقى هلدبيسا يا احمد يا عادل



2- لما نلاقى فى ماتش مصر والارجنتين ماما خديجه فرحانه وفى قمه انبساطها لما الهدف الاول دخل مرمى المنتخب كانت ناقصه ترقص عشره بلدى

الواحد مكانش عارف هيا بتشجع مين

يبقى د ايه

يبقى هلدبيسا يا ماما خديجه



3-لما رئيس حكومتنا يبقى اسمه نظيف وتلاقى التلوث هو سيد الاخلاق فى مصر يبقى ايه

يبقى هلدبيسا ياحاج نظيف



4-لما رئيس مجلس الشب يبقى اسمه سرور وحالنا يغم ويبكى كل الناس يبقى ايه ده

يبقى هلدبيسا يا سرور



5-لما وزير الماليه يبقى اسمه غالى والشعب رخيص والجنيه بقى ارخص من كل حاجه (طبعا كلنا عارفين انه غالى فى حاجه واحده

لما واحد يقولك الجنيه غلب الكرنيه)

يبقى ده ايه

هلدبيسا ياغالى



6-لما وزير التعليم العالى يبقى اسمه هلال والتعليم المصري ادفن فى الارض يبقى ده اسمه ايه ؟

هلدبيسا ياهلال



7- لما نلاقى الانتخابات المصريه نسبت زعيمنا فيها مش فاكر كانت حاجه وتمانين فى الميه

مع العلم ان المظاهرات فى مصر كلها تؤيد الراجل اللى مرمي فى السجن دلوقتى الحاج ايمن

يبقى ده ايه يبقى هلدبيسا يا نانوس عين اومك



8-لما فى عز ما غزه بينتهك عرضها وبغداد بتسيل دمائها وبيروت تحترق بيوتها

واحنا هنا فى مصر بعد اول عشر دقايق من فوز المنتخب بالكان 2008 وصل عدد المكافات ل60 مليون جنيه

يبقى ده ايه يبقى هلدبيسا ياحج عيسى



9-لما نلاقى الواد جسمه عشره على عشره وتفصل منه خمسين واحد وياكل الظلط ويدخل امتحانات الشرطه ولا اى حاجه من العسكريه ويجي عند الهيئه ويالشوه وتلاقى بن ادريس الفراش بتاع العميد حسونه ابو شعر قبل فى الهيئه (مع العلم بان بن عمو ادريس وزنه 150 كيلو جرام وطوله 10 سم يبقى د اسمه ايه)

يبقى ده هلدبيسا يا طنطاوى



10- لما تلاقى فى مجله روتانا بالبنط العريض مقاله بتقولك ان الشيخ مش عارف اسمه ايه

يبيح للرجل تقبيل البنت التى لاتحل له (اخر عدد من المجله) يبقى ده ايه؟

يبقى هلدبيسا يا مشايخنا الكبار



11- لما تلاقى ربنا عز وجل بيقول للزكر مثل حظ الانثيين

وعندنا احنا بنقول يجب المساواه بين الرجل والمراه يبقى ده اسمه ايه؟

يبقى هلدبيسا يا منظمات حقوق المراه



12- لما نلاقى قناه ميلودى اربيا ومزيكا بتجيب اغانى (ورب العزه انها اشبه بالافلام اياها ) وتلاقى الاغنيه بتتزاع فى اليوم بدل المره عشر مرات مع مراعاه ان اغنيه كاظم الساهر بتاعت الرعاه والنار اتزاعت مرتين يوميا لمده 4 ايام

واغنيت الضمير العربي اتزاعت لمده اربع ايام فقط بمعد 3 مرات يوميا على قناه وحيده يبقى ده اسمه ايه

يبقى هلدبيسا ياعلام مصر العزيزه





انتهى الكلام بعدما فاض الكيل واحترقت الاحلام