يحيا الرئيس

- ذهب احد المواطنين الى البحر لكى يصطاد سمك ليطعم زوجتة بعد ان فقد الامل فى ان يشترى طعاما وبعد ان اصطاد قال لزوجتة هيا اقللى السمك فقالت لة انت مجنون كيلو الزيت ب12 جنية قالها خلاص اشوية قالتلة انت اهبل كيلو الدقيق ب7 جنية قالها خلاص اعملية صنية قالتلة انت بتخرف عارف الطماطم بكام والبصل فقرر ان يلقى بالسمك فى البحر من جديد فهتف السمك يحيا الريس يحيا الريس



2- بعد ان حاولت الحكومة حل ازمة الخبز بالقبض على تجار الدقيق وفشلوا ومن ثم القبض على اصحاب الافران وفشلوا وقبلهم القبض على المستوردين وايضا فشلوا اقترح عليهم القبض على المواطنين ولن تبقى طوابير بعدها



3- بعد ان نظمت بعض المدن والقرى نظام الحصول على الخبز ليصبح من حق كل مواطن 4 ارغفة كان احدهم فى المستشفى بجوار زوجتة التى تضع وهوبالخارج يدعو يارب 8 يارب 8 يارب8 فاستوقفة الطبيب اترغب فى 8 اولاد قالة لا 8 ارغفة عيلين بس يا دكتور انا جايبهم مخصوص عشان العيش



4- بعد ان كان المهجرون للخليج وهم بصدد النزول تنهال عليهم الطلبات من اجهزة وموبايلات وملابس تحولت الان الى هاتلى ب 500 جنية عيش وانت جاى وانا والنبى هاتللى ب 200 بطاطس وانتى يا ماما انا يابنى هاتلى 20 كيلو عدس حاضر يا ماما



5- سمعت ان وزارة التربية والتعليم تنظم اتفاقا مع وزراة التموين بغرض تعيين دفعات جديدة من مدرسين التربية الرياضية بغرض تنظيم طوابير العيش وتدريب المواطنين فى الطوابير على تمرينات الصباح حتى يحصلوا على طاقة تقويهم على الاستمرار



6- ايضا تقدم المواطنين ومحدودى الدخل بطلب الى وزارة الثقتفة بغرض تغيير بعض الامثال والحكم من نصها الحالى الى الجديد وهم كالاتى

احنا بينا عيش وملح الى احنا بينا ماية وملح

الجعان بيحلم بسوق العيش الى الجعان بيحلم بطابور العيش

كل واحد بيجرى على اكل عيشة الى كل واحد بيجرى على مكانة فى الطابور

محدش بيبات من غير عشا الى محدش بيبات من غير عشا عشان بيوفروا الفطار والغدا