البنت الحلوة البنت الحلوة
كانت قاعدة على القهوة بتدخن لما تشوفها وهى بتدخن تحس ان الدخان اللى بيخرج من بين شفيفها النونو مختلف صدقونى عن اى دخان تانى شفتة فى حياتك وتحس وهى بترمى زهر الطاولة اللى كانت بتلعبها بحماس شديد كانها بتحضر خطة لمعركة حربية ولما تشوف عدد موبيلتها اللى محطوطة قدمها تحس ان البنت الحلوة لازم يكون معاها العدد دة من الموبيلات خوفا ان يوم القيامة يقوم من غير محد يقولها او يديها مسج او حتى رنة 000
البنت الحلوة تشدك شد بطريقة لبسها الجامد قوى اللى مبين كل تفصيلة فى جسمها يعنى من الاخر البنت الحلوة لو ماشية فى شارع 00 اوحتى حارة وانت قاعد لازم ولابد تقوم 00 وانت واقف لازم ولابد تقعد000 ولوماشى تقف ولو واقف تمشى وياسلام لو تعرف تقرب منها وتسمع مصطلحاتها ممكن كلمها يكون خارج بس لو سمعتة وهو طالع من بين شفيفها بدون ماتقصد حتحب الاباحة 0000
البنت الحلوة حالة خاصة كل اللى حوليها من بنات تغير منها يمكن عشان حلوة يمكن عشان متحررة زيادة المهم لما تيجى سريتها فى قعدة نم بناتى عليها0000 لا دى موزة فاجرة معندهاش لا دين ولا اخلاق يارب عفينا يا رب مانبقى زيها00000
وعلى العكس تماما الشباب اللى حوليها يتمنوا ياخدوا نمرة موبيلها
ولو خدوها الدنيا ترقص من حوليهم يحسم سعتها انهم ملكم الدنيا وما فيها وبعد ما يخدم النمرة بساعة وحدة لازم ولابد يكلموها عشان يحسسوها انهم بقم اصحاب واللى يقولها انا راجل قوى واللى يقول انا اجدع واحد ممكن تقبلية فى الكون الفسيح ويمكن فى قعدة من قعدتهما اللىالدخان فيها اكتر بكتير من هواء ربنا تقوم خناقة لرب السماء بين الصحاب الكتير على انها بتاعت مين فيهم.
المشكلة مش فيهم المشكلة فى البنت الحلوة مشكلتها ان اللى عرفوها محولوش يدخلوا من بوابات عالمها اتعملوا معاها من برة اتعملوا معاها على انها عروسة المولد الحلوة او على انها عروصة صينى من ام 2 جنية ونصف او يمكن شيفنها موزة جامدة طحن00000
البنت الحلوة عالم كبير مليان دموع بتجرى كما نهر مالو بداية ولا نهاية لما تحب تحب قوى وما تكرة تكرة قوى قوى زعلها ياة على زعلها 000
اقول سر البنت الحلوة ملهاش صاحب مع كل جيوش الناس اللى ملمومة حوليها ملحاش صاحب تفضفض معاة او صاحبة وقت الشدة تترمى فى حضنها
صحبتها مرايتها تحكيلها وهى وقفة قدمها عريانة كما ولدتها امها وبتتفرج على كل حتة فى جسمها البنت الحلوة عارفة انها حلوة صحبتها التنية اوضتها لما تطفى نورها وتقعد وحدها وتفتح بوبات عالمها الخاص حد تانى خالص مش هى اللى قاعدة على القهوة وفى الشارع ووسط جيوش المعجبين 0000
البنت الحلوة لسة ملقيتش نفسها البنت الحلوة لسة بتدور000
سالت نفسى سؤال هو انا لية لحد دلوقتى ما خدتش نمرة موبايلها رديت لانى خايف اكون واحد من ضمن الكتير اللى حوليها ولانى خايف بردة انى مكونش الصاحب اللى بتدور علية ولانى عارف ومتاكد انى مينفعش انى اكون حد من الهوامش اللى وقفين على سطور حياتها
هو انا لية اصلا باكتب عن البنت الحلوة الى طول الوقت بتلعب طاولة وبتدخن وحوليها جيوش العالم من المعجبين مش عارف او مش متاكد او حعمل مش واخد بالى0000
اكيد فى يوم حكلمها واصاحبها واخد كمان نمر موبايلها بس مش حيحصل دة على كوكب الارض حيحصل لما البنت الحلوة تركب صاروخها وتطلع القمر حكون هناك مستنيها وحدى بعيد عن دوشة جيوشها وقتها حكون صحبك اللى بتدورى علية مريتك واوضتك اللى بتخدك فى حضنها
حضمك لية وحرقص معاكى وسعتها حصرخ بعلو حسى بحب البنت الحلوة
الجمعة أبريل 11, 2008 2:16 am
